Қытай вакцинасы Қазақстанға 30 сәуірде келеді: Вакцина кімдерге егіледі?
Ақтөбе облысында коронавирусқа қарсы иммундау жұмыстары жалғасуда. Мұнайшылар қытайлық "Синофарм" вакцинасын алуы мүмкін, деп хабарлайды Stan.kz ақпарат агенттігі.Қазірдің өзінде облыста 38 мыңнан астам адамға вакцина егілді. Олардың 6 мыңнан астамы екі компоненттен вакцинацияланған. Өткен демалыс күндері тағы 14 800 доза Sputnik V вакцинасы жеткізілді. Сонымен қатар, QazVac вакцинасының 2000 дозасы жеткізілді.
"QazVac" вакцинасы клиникаларға жеткізілді. Осы аптадан бастап отандық вакцинаны қабылдай басталады. Сонымен бірге қытайлық "Синофарм" вакцинасы қазір Сауд Арабиясында өндірілуде. Олар вакцинаны Hayat-Vax деп атады. 22 мың доза облысқа 30 сәуірде жеткізіледі. Оны "Самұрық-Қазына" АҚ қызметкерлеріне, яғни облыста жұмыс істейтін ірі мұнай компанияларының қызметкерлеріне егу жоспарланып отыр. Одан кейін тұрғындарға салынады", – деді облыстық денсаулық сақтау басқармасының басшысы Рүстем Исаев.
Айта кетейік, Ақтөбе облысы 31 наурыздан бастап "қызыл" аймақта тұр. Өткен тәулікте 125 адамнан коронавирустық инфекция анықталды. Қазір жұқпалы аурулар ауруханаларында 750 адам емделуде, оның 50-і жансақтау бөлімінде, 7 науқас өкпенің жасанды желдету қондырғыларына қосылған.
Бұған дейін денсаулық сақтау министрлігі QAZVAC вакцинасының қауіпсіздігі зерттеу нәтижелерімен дәлелденгенін айтты.
