8 шілде - осы айдағы ең сәтті күн: оң өзгеріс сағат нешеде болады

Дәл бүгінгідей сәтті уақыт шілде айында бір-ақ рет болады. Жоспарлар орындалып, жүректер табысатын кез. Белгілі тележүргізуші, астролог Василиса Володина шілде айына арналған болжамын бөлісті.

Оның айтуынша, 8 шілдеде (Нұр-Сұлтан уақыты бойынша сағат 20.00-23.00) жетінші айдағы ең сәтті уақыт туады. Бұл кезде, әсіресе, туыстармен байланысты баспана мәселесіне мән берген жөн.

"Сондай-ақ, бұл уақытта адамдар оңай тіл табыса алады. Бүгін кешке бар нәрсенің орайы келеді", - деді маман өзінің YouTube арнасында.

Шілде айында тағы қандай күн сәттілік әкеледі. Жаздың екінші айында сәтті күндер сирек болмайды. Мәселен, 12 шілде косметологиялық процедуралар жасау үшін қолайлы, дейді астролог.

Ал шілденің 17-сі күні махаббат төңірегіндегі мәселелерді шешумен айналысқан жөн. Бұл күні жүректер тоғысып, ерлі-зайыпты отбасылық проблемалардың шешімін таба алады. Бұған дейін жұптар арасындағы сезім сыр берсе, дәл осы күні реттеуге мүмкіндік бар.

21 шілде күні демалысты жоспарлау үшін таптырмас сәт туады. 30 шілдеде келіссөздер, іскерлік коммуникация орнатуға болады. Ал шілденің 31-і күні әйелдер құрбыларымен жүздесіп, анасымен сырласа алады.

sputnik.kz