Жалған вакцина паспортын жасағандар ұсталды
Алматыда вакцинация паспортын қолдан жасаған үш медициналық мекеменің қызметкерлері ұсталды. Бұл жөнінде Қазақстан ұлттық арнасы мәлім етті.Атап айтқанда, «Достар Мед», «Сұңқар» медициналық орталықтары мен №4 емхананың қызметкерлері ПТР нәтижесі мен вакцинация төлқұжатын қолдан жасап сатқан.
Нұр-Сұлтанда да жалған ПТР-тест анықтамасын жасайтын медициналық орталық анықталды. Орталық басшысы заңсыз анықтама үшін клиенттерден 6 мың теңгеден алған. Сондай-ақ полиция қызметкерлері елден тыс аумақта бола тұрып, теріс нәтижелі ПТР-тест анықтамасының электронды нұсқасын жасап, 5500 теңгеге сатқан қазақстандықты анықтады.
