Қор көмегімен алынған техникалардың тиімділігі зор
Осыдан 10 күн бұрын қысқы мал азығын дайындау шараларына байланысты Болат Өтемұратов қорынан алынған шөп шапқы машиналары аудандағы шабындық жерлерден шөп ору жұмыстарына кірісіп кеткен болатын.Бүгін «Бөген-2016» селолық тұтыну кооперативі аталған шөп шапқы техникаларының көмегімен шабылған 400 пресс пішен шөбін аудан орталығында өткен жәрмеңкеге жеткізіп, 1 пресс шөпті 600 теңгеден ұсынды.
Атап өту қажет, бүгінгі күнге дейін аталған техникалардың ықпалымен 3900 пресс пішен шөп орылып, шабындық басынан сол маңайдағы шаруалар үшін 350-400 теңгеден босатылған. Аталған жұмыстар алдағы уақытта тұрақты жүргізіле беретін болады.
