Толқын Tolqyn.kz ақпараттық агенттігі
» » Мал азығы – маңызды мәселе

Мал азығы – маңызды мәселе

Қуаңшылық кезеңінде Арал ауданындағы шаруалар үшін жем-шөп бағасының тым қымбаттап кетуі қиындыққа әкеліп тіреген еді. Тұрғындарды бірінші кезекте алдағы қысқа қажетті мал азығын арзан бағада жеткізу шаралары қолға алынса деген ой мазалады. Жайылымдар мен шабындықтарды суғару жайы да ауыл тұрғындары үшін үлкен жұмыс болды. Осындай жағдайлар ескеріліп, төтенше жағдай жарияланғаннан кейін қуаңшылық мәелелері біртіндеп шешіле бастады.
Алдымен Болат Өтемұратов қорынан бөлінген қаржыға жем-шөп алынып, елді мекендерге үлестіріліп берілді. Тығырықтан шығуға жанашырлық танытқан осындай ел азаматтарына әлі күнге алғысымызды білдіреміз. Және шөп оруға арнайы жастардан құралған бригадалар да жасақталып, көмек көрсетті.
"Жұмыла көтерген жүк жеңіл" демекші, апта сайын аудан орталығында жәрмеңке ұйымдастырылып келеді. Тұрғындар қажетті азық-түлікпен қоса жем-шөппен де қамтамасыз етілуде.
Бұл жасалынған шаралардың барлығы алдағы жылы осындай қиындықтардың алдын алуға мүмкіндік береді.
А. СҮЛЕЙМЕНОВА,
қала тұрғыны
13 қазан 2021 ж. 322 0