Толқын Tolqyn.kz ақпараттық агенттігі
» » Омикрон штаммға байланысты шектеулер енгізіледі

Омикрон штаммға байланысты шектеулер енгізіледі

ҚР Денсаулық сақтау министрінің міндетін атқарушы Жандос Бүркітбаев Үкімет отырысында 2022 жылдың 5 қаңтарынан бастап елімізде қосымша алдын алу шараларын енгізу жоспарлары туралы мәлімдеді, деп хабарлайды Stan.kz.
Жандос Бүркітбаев эпиджағдайға әсер ететін жағымсыз факторлардың бірі әлемде «омикрон-штамм» нұсқасының таралуының жоғары қарқыны екенін айтты. 
«30 қарашадағы жағдай бойынша коронавирустың «омикрон-штаммы» 16 елде, ал бүгінгі күні әлемнің 110 елінде анықталды. «Омикрон» штаммының таралу коэффициенті жоғары –  1:5-ке тең, сондай-ақ, штаммды қайта жұқтыру қаупі жоғарылағаны байқалады», – ҚР Денсаулық сақтау министрінің міндетін атқарушы Жандос Бүркітбаев.
Денсаулық сақтау министрінің міндетін атқарушы Дүниежүзілік денсаулық сақтау ұйымының болжамын жариялады, оған сәйкес ауру бірнеше ай бойы бүкіл әлемге таралады.
Сауда-ойын-сауық орталықтарына, сауда үйлеріне, сауда желілеріне; спорттық-сауықтыру орталықтары мен фитнес-орталықтарға, йога-орталықтарға; караоке; бассейндер; сауналар, моншалар; банктер; «Қазпошта» АҚ бөлімшелері, ХҚКО-ға Ashyq қосымшасы бойынша «жасыл» статусы бар адамдарға ғана кіруге рұқсат беру бөлігінде қосымша алдын алу шараларын енгізу ұсынылады.
Аталған норманы 2022 жылғы 5 қаңтардан бастап енгізілмек.

kyzylorda-news.kz
28 желтоқсан 2021 ж. 349 0