«Jas Otan» Жастар қанаты жаңа жобалармен толықтырылмақ

«Jas Otan» Жастар қанаты алдағы уақытта жаңа жобалармен толықтырылмақ. Бүгін «Nur Otan» партиясының кезектен тыc XXII сьездінде партия қызметінің модернизациялаудағы 7 басымдығы таныстырылды. 7-ші бағыт бойынша «Jas Otan» Жастар қанатының жұмысын жетілдіру бойынша «Biz Birgemiz», «Волонтер мектебі», ауыл жастарының әлеуетін арттыру бойынша «Өрлеу», жастарды отансүйгіштікке тәрбиелейтін «Қайсар» жобалары жүзеге асырылатын болады. Аталған жобалар жастардың дамуы мен алға ұмытылуына мол септігін тигізеді деп сенемін.

Сонымен қатар мәжіліс төрағасы Ерлан Қошжанов партияның атын «Аманат» деп өзгерту туралы ұсыныс жасады. Партия төрағасы Қасым-Жомарт Тоқаев бұл ұсынысты қолдады. «АМАNАТ» сөзінің мәні мен мағынасы бойынша тағы да біздерге, жастарға сенім артып жатқандай. Партия төрағасының жасотандықтарға деген сенімі зор, сол сенімді ақтауға бар күш-жігерімізді аянбай саламыз деген жігер, бізді қанаттандырады.

Жасотандықтардың алға қойған мақсаты айқын. Сол себепті жаңа белестермен жаңа жобаларды жүзеге асыруда аянбай еңбек ете бермекпіз.

Ержан САБЫРБАЙ,

аудандық «Jas Otan» ЖҚ бөлімше басшысы