10 шілдеге арналған ауа райы болжамы

Бүгін, 10 шілдеде Маңғыстау облысының оңтүстігінде 38 градус қатты ыстық күтіледі, деп хабарлайды ҚазАқпарат Қазгидрометке сілтеме жасап, деп хабарлайды Egemen.kz.

Синоптиктердің болжауынша, Нұр-Сұлтанда күндіз найзағай ойнайды. Солтүстік-шығыстан жел соғады, күндіз екпіні 15-20 м/с-қа жетеді. Ақмола облысының оңтүстігінде, шығысында найзағай болуы мүмкін. Солтүстік-шығыстан жел соғады, облыстың оңтүстік-шығысында - 15-20 м/с.

«Күндіз 10 шілдеде Қарағанды облысының солтүстігінде қатты жаңбыр күтіледі. Түнде және таңертең облыстың солтүстік-шығысында тұман түседі. Облыстың солтүстігінде, шығысында найзағай ойнап, бұршақ жауады. Солтүстік-шығыстан жел соғады, күндіз облыстың солтүстігінде екпіні - 15-20 м/с. Батыс Қазақстан облысының оңтүстік-батысында 35 градусқа дейін қатты ыстық күтіледі. Ақтөбе облысының солтүстігінде найзағай ойнайды. Шығыстан, солтүстік-шығыстан жел соғады, найзағай кезінде екпіні - 16 м/с», деп жазды Қазгидромет.

Күндіз 10 шілдеде Қостанай облысының оңтүстік-шығысында найзағай күтіледі. Солтүстік-шығыстан жел соғады, күндіз облыстың оңтүстік-шығысында екпіні - 15-20 м/с. Қызылорда облысының басым бөлігінде төтенше өрт қаупі сақталады. Павлодар облысының оңтүстігінде найзағай, бұршақ күтіледі.

Солтүстік-шығыстан жел соғады, найзағай кезінде екпіні - 15-20 м/с. Күндіз Атырау облысында 37 градусқа дейін қатты ыстық күтіледі. Облыстың басым бөлігінде төтенше өрт қаупі сақталады.