Кондиционер арқылы қандай инфекция таралады?

Ескі кондиционер қауіпті бактериялардың тамаша ұясы. Бұл туралы жалпы тәжірибелік дәрігер Ольга Перевалова Sputnik радиосына берген сұхбатында айтты.
Маманның айтуынша, тазартылмаған сүзгісі бар кондиционерді жиі пайдалану арқылы адамдар легионеллез жұқтыруы мүмкін. Бұл жұқпалы ауру, белгілері бойынша ЖРВИ-ге ұқсас, бірақ кейде ауыр пневмония түрінде болуы мүмкін.  Жалпы олар "легионер ауруы" деп аталады.

Кондиционер пневмония тудыра ма?

    "Жаз бойы кондиционері бар кеңседе отыратын адамдар жиі түшкіреді, жөтеледі. Кейін олар ротавирус немесе омикрон жұқтырдым деп ойлайды. Негізі, кондиционердің сүзгілерінің ішінде, жылы және ылғалды ортада легионелла жиі көбейеді. Жүйелі түрде тазартылмаған құрылғы әдетте осы бактериялардың көп мөлшерін таратады. Барлық адамдарда күшті иммунитет жоқ, сондықтан легионеллезді жазда жиі жұқтырады", - деді Перевалова.

Ол легионеллездің ең жақсы профилактикасы кондиционер сүзгілерін үнемі тазалау екенін атап өтті. Бұл көліктерге орнатылған құрылғыларға да қатысты.

    "Көлігінде кондиционері бар адамдар оны үнемі пайдалануға дағдыланған және жиі оны жүйелі түрде тазаламайды. Аптап ыстықта көптеген адамдар кептелісте қалады, саяжайдан қайтып келе жатып, кондиционерін қосады. Осылайша ешқандай ауру адаммен байланысқа түспей-ақ қауіпті инфекция жұқтырады. Сондықтан көлік терезесін ашып немесе фильтрді үнемі тазалап тұрған дұрыс" - деді дәрігер.

massaget.kz