Жемқорлықтың алдын алу – жалпыға ортақ міндет

Жемқорлықпен күрес бүгінде елімізде мемлекеттік маңызы бар түйткілді мәселеге айналып отырғандығы шындық. Еліміздің ертеңі үшін, болашақ келер ұрпақ алдында еңсемізді биік  көтеріп жүру үшін жемқорлық індетпен  белсене күресу, оны жою бағытындағы шараларды жүйелі жүргізіп отыру шарт.

Сонымен қатар сыбайлас жемқорлықпен пәрменді күресу үшін халықтың құқықтық сауатсыздығын жоятын, құқықты түсіндіру жұмысының деңгейі мен сапасын арттыру керектігінің нақты жолдарын білуіміз қажет. Сыбайлас жемқорлықтың ерекшелігі – оның көпшілікке жария етілмеуінде. Өйткені ол екіжақты «құпия мәміле» ретінде іске асырылғандықтан, оның ашылуына екі тарапта мүделлі болмайды. Үлкен әлеуметтік қасірет саналып отырған қылмыстың бұл түрі саяси даму тұрғысынан  бір-біріне ұқсамайтын әлем елдерінің қай-қайсысын да қатты алаңдатуда.

Сыбайлас жемқорлық заңсыз түрде ақша алу, қымбат зат немесе заңсыз көмек алу. Лауазымдық жағдайды пайдаланып пайда табу сияқты жолдармен жасалатыны бәрімізге мәлім.

Сондықтан жемқорлықпен күресу барлық Қазақстан Республикасы азаматтарының азаматтық борышы деп білуіміз керек. Баянды болашаққа бет түзеген тәуелсіз еліміз жемқорлықтың ел дамуын тежейтінін ескеріп, ұлт болып жұмылып, бұл кеселді жеңетініне сенеміз.

Таңшолпан Оңталапқызы,

аудандық орталық кітапхананың әдіскері