Халық саны туралы жаңа деректер жарияланды

Ұлттық статистика бюросының департаменті 2021 жылғы халық санағының қорытындысын жариялады, деп хабарлайды Egemen.kz.

Статистикалық мәліметтерге сүйенсек, өткен жылы облыста 540 786 адам тұрған. 2009 жылғы санақпен салыстырғанда 55,8 мыңға, яғни 9,3%-ға азайған. Бұл ретте қала халқы 238,8 мыңнан 259,5 мың адамға дейін өсті және санақ қорытындысы бойынша жалпы санның 48 пайызын құрады. Осы жылдары ауыл халқының үлесі тиісінше 60%-дан 52%-ға дейін төмендеді.

«Солтүстік Қазақстан облысындағы әйелдер бұрынғыдай ерлерге қарағанда көбірек. Санақ қорытындысы бойынша – 18,9 мың. Ерлердің үлесі – 48,3%, әйелдер – 51,7%. Яғни, облыста 100 әйелге 93 ер адамнан келеді», деді басқармадағылар.

Биылғы жылдың мәліметі бойынша облыс тұрғындарының саны 1 шілдеде 534 мың адамды құрады. Оның ішінде қалалық – 252,1 мың және ауылдық – 281,9 мың адам.