Жаңа Жолдау – жаңа міндеттер

Бүгін ақпараттық насихаттық топ мүшелері Аралқұм ауылдық округінің тұрғындарымен кездесу өткізді. Жиында Президент Қасым-Жомарт Тоқаевтың "Әділетті мемлекет. Біртұтас ұлт. Берекелі қоғам" атты Қазақстан халқына арнаған Жолдауы түсіндірілді.

Жолдауда айтылған ең төменгі жалақының өсуі, бала күтіміне байланысты жәрдемақының бір жарым жылға дейін төленуі, балабақша қызметкерлері мен мектеп мұғалімдерінің жалақысын арттыру мәселесі халықтың ойынан шықты.

Тұрғындар Жолдауда Президентіміз Қасым-Жомарт Тоқаевтың ұсынған жаңа бастамаларын толықтай қолдай отырып, Жолдауда қойылған мақсат-міндеттердің жүзеге асуына өз үлестерін қосатындығын білдірді.

"Толқын" ақпарат