Жексенбіге арналған ауа райы болжамы

Қазгидромет 22 қаңтарда ауа райына байланысты бірнеше өңірде ескерту жариялады.

Түркістан облысының оңтүстігінде тұман түседі. Шығыстан жел соғады, облыстың солтүстігінде, батысында, таулы және тау бөктерлі аудандарында желдің күші 23-28 м/с жетеді.

Шымкент қаласында шығыстан жел соғады, екпіні 15-20 м/с күтіледі.

Қызылорда облысында жел солтүстік-шығыстан соғады, облыстың орталығында, оңтүстігінде күші 15-20 м/с күтіледі.

Павлодар облысының солтүстігінде, шығысында жаяу бұрқасын күтіледі. Оңтүстік-батыстан жел соғады, облыстың солтүстігінде, шығысында екпіні 15-20 м/с.

Жетісу облысының Алакөл көлдері ауданында солтүстік-шығыстан 15-20, екпіні 23-28 м/с жел күтіледі.

Жамбыл облысының оңтүстік-батысында, солтүстік-шығысында, таулы аудандарында солтүстік-шығыстан жел соғады, күші 15-20 м/с, тәулік бойы 22, түнде 23 қаңтарда екпіні 23-28 м/с күтіледі.

kyzylorda-news.kz
Фото: khabar.kz