13 мыңға жуық шетелдік көлік заңдастырылды
Шетелдік көліктерді заңдастыру науқанының алғашқы үш күнінде 13 мың өтініш мақұлданды, деп хабарлайды Egemen.kz. Ішкі істер министрлігінің мәліметінше, 13 мың өтінім мақұлданып, 900-ге жуық адам жаңа нөмір алды. Бұл науқан 2023 жылдың 23 қаңтарында басталды.
«Қазіргі уақытта 13 мың өтінім алдын ала мақұлданған. 879 адам өз көліктерін сәтті заңдастырды. Оларға қазақстандық техпаспорттар мен мемлекеттік нөмірлік белгілер берілді», делінген ведомство хабарламасында.
Аталған науқан басталар алдында «Азаматтарға арналған үкімет» және ҚР ІІМ Қазақстанда шетелдік көліктерді заңдастырудың тез әрі дұрыс рәсімдеу жолдары туралы ақпаратпен бөліскен болатын.
Гүлшахра САНСЫЗБАЙ
