Еліміздің үш облысында көлік қозғалысы шектелді
10 ақпан сағат 10:00-дегі жағдай бойынша 3 облыста ауа райының нашарлауына байланысты республикалық маңызы бар автожолдардың 5 учаскесінде жол қозғалысына уақытша шектеу енгізілді, деп хабарлайды Egemen.kz.Алматы облысы бойынша тіркемелі, жартылай тіркемесі бар жүк автокөліктері үшін «Алматы-Өскемен» тасжолы, Қонаев-Шеңгелді арасы;
Автокөліктің барлық түрі үшін «Алматы-Шелек-Қорғас» тасжолы, Байсейіт-Қорғас арасы;
Жамбыл облысында көліктің барлық түрі үшін «Алматы-Ташкент-Термез» тасжолы, Кенен-Благовещенка арасы (қозғалыс ескі Қордай асуы арқылы жүзеге асырылады);
Жетісу облысы бойынша тіркемелі және жартылай тіркемесі бар жүк автокөліктері үшін «Алматы-Өскемен» тасжолы, Шеңгелді-Қарабұлақ арасы, «Алматы-Өскемен» тасжолы, Қарабұлақ-Үшарал арасы жабылды.
