Хиджама туралы не білеміз?
Ежелден келе жатқан емдеу әдістерінің бірі – хиджама салу. Хиджама – көптеген ауру түрлерін емдеуде қолданылады және оны арнайы құралдардың көмегімен жасайды. Соңғы жылдары хиджама салу әдісімен адам ағзасындағы арам қандардан арылу арқылы емдеу кеңінен етек алып келеді . Капиллярлық қан алу арқылы жасалатын әдіс өте қарапайым әрі ағзадағы "ластанған" қанды алудың таптырмас құралы болып табылады. Қан ағзаға ластанған су немесе ауа, дұрыс тамақтанбау, дәріні көп ішу сияқты жолдармен зиянды заттарды сіңіріп алады. Емдеудің бұл әдісі қанның жаңаруын қамтамасыз етеді, нәтижесінде ағзаның жалпы жағдайы да дұрысталады. Хиджаманы арнайы рұқсат құжаты бар, белгілі бір тәжірибесі бар мамандарға жасатқан жөн. Себебі, оның жасау жолдарын білмеген адам керісінше адам денсаулығына зиян келтіреді. Кез-келген нүктеден қан алу адамның денсаулығына кері әсерін тигізуі мүмкін. Әсіресе, денеден бөлініп шыққан қан адамның ағзасына кетіп қалудан сақтану керек. Хиджама жасауда өзінің денеде арнайы белгілі нүктелері болады. Аурудың бетін қайтару үшін сол нүктелерді айқындау керек. Ем-домның ережелерін сақтамау денсаулықтың нашарлауына әрі келесі жанама әсерлерге: құсу және диарея, қатты шаршау, қан қысымының күрт төмендеуі, температураның жоғарылауы, анемияға әкелуі мүмкін. Қанның аз мөлшерде алынуы қиындықтар да тудыруы мүмкін. Мәселен қан кетпей, тоқтап қалады немесе керісінше тоқтамай қоюы мүмкін. Кей жағдайларда тіпті науқас есінен де танып қалуы ықтимал. Сонымен қатар хиджама жасау барысында қан арқылы жұғатын адам иммунитет тапшылығының вирусы, вирусты гепатит секілді ауруларды жұқтыру қаупі де орын алуы мүмкін. Мұндай жағдайлар болмас үшін, міндетті түрде хиджама жасамастан бұрын дәрігермен кеңесу қажет екенін ұмытпаңыз. Емдеудің бұл түрі тек дәрігер көрсетілімімен жүзеге асырылуы тиіс және осы процедураны жүзеге асыратын мамандар тарапынан үлкен жауапкершілікті талап етеді.
Хиджама жасау процедурасы қан қысымын, бронх-өкпе ауруларын, остеохондроз, есту қабілетінің жоғалуын, гайморит бронх демікпесі; бауыр мен өт қабы жұмысының бұзылуын, бүйрек ауруларын, зәр шығару жүйесінің ауруларын, артроз, ерлер мен әйелдердің бедеулігі, әйелдердің жыныстық жүйесі ауруларын емдеуде қолданылады. Хиджама емінен кейін көптеген науқастар өздерін жақсы сезініп, ұйқылары дұрысталып, көңіл-күйлері көтеріңкі болады.
Хиджаманы жоғарыда аталған аурулар түріне қолданумен қатар кейбір ауруларда қолдануға болмайды. Атап айтқанда, қан аздық, психикалық ауытқулар, онкологиялық аурулар, жүктілік және лактация кезеңі, ашық жарақаттар болған жағдайда, қатты шаршау, әлсіреу болғанда, адам иммунитет тапшылығының вирусы, жүре пайда болған иммунитет тапшылығының синдромы аурулары, атеросклероз, гепатит, мерез, бауыр циррозы, ауыр жүрек ақаулары. Уақытша шектеулер төмендегідей: жарақаттан, ұзақ ауырғаннан кейін немесе операциядан кейін денені қалпына келтіру (процедураны 20-30 күннен кейін жасайды), әйелдерде етеккір келген күндері және ол аяқталғаннан кейін тек 7-10 күннен хиджаманы жасауға болады; вирустық аурулар немесе ангина ауырғаннан кейін екі аптадан соң хиджама жасауға болады.
Қорыта келгенде әр адамның денсаулығы өз қолында екендігін ұмытпағанымыз жөн!
М. САДЫҚОВА,Аал аудандық СЭБ басқармасының бас маманы
