Депутат Қазақстанда TikTok-қа тыйым салуды ұсынды
Мәжіліс депутаты Аманжол Алтай кәмелетке толмағандарға TikTok желісін пайдалануға тыйым салуды ұсынды, деп хабарлайды Egemen.kz.Мәжіліс депутаты вице-премьер Алтай Көлгіновке депутаттық сауал жолдады.Депутат өз сөзінде соңғы кездері жасөспірімдер арасында жантүршігерлік оқиғалардың жиілеп кеткенін атап өтті.
«Бізді елең еткізген Түркістандағы мектеп оқушысының өлімі, Қазалыда қатты соққыдан ес-түссіз қалған баланы тепкілеген жасөспірімдердің әдепсіз әрекеті, Өскеменде қыздың ауыр соққыға жығуы – менің бүгінгі уайымым», деді депутат.
Депутат Ішкі істер министрлігінің кәмелетке толмағандар істері жөніндегі учаскелік полиция инспекторларының қызметін ұйымдастыру қағидаттарын қайта қарауды, сондай-ақ Оқу-ағарту министрлігіне мектептердегі мұғалімдердің академиялық білімін ғана емес, сонымен қатар білім деңгейін бағалау тетіктерін енгізуді ұсынды.
«Әлеуметтік мұғалім, сынып жетекшісі іс-шараларды ұйымдастыру принциптерін қайта қарау керек. Қазақстанда балаларға шексіз қызмет көрсететін TikTok әлеуметтік желісін кәмелетке толмағандар арасында пайдалануға тыйым салу керек», деп түйіндеді сөзін Аманжол Алтай.
