26 тамызға арналған ауа райы болжамы

26 тамызда атмосфералық фронтальды бөліктердің өтуіне байланысты еліміздің басым бөлігінде ауа райы құбылмалы болады. Найзағай ойнап, дауыл соғады, жел күшейеді, бұршақ жаууы мүмкін, деп жазады Egemen.kz.

«Қазгидромет» синоптиктерінің болжамы бойынша, еліміздің батысында, оңтүстік-батысында қатты жаңбыр жауады. Ал солтүстікте, солтүстік-батыста тұман түседі, оңтүстікте шаңды дауыл соғады.

Түркістан, Жамбыл, Қызылорда, Ақтөбе облысында, Атыраудың батысында, оңтүстігінде, шығысында, Қостанай облысының оңтүстігінде, Маңғыстаудың батысында, солтүстігінде, оңтүстік-шығысында төтенше өрт қаупі болады.

Батыс Қазақстан облысында жоғары өрт қаупі сақталады, облыстың оңтүстік-батысында, шығысында төтенше өрт қаупі болады деп болжанып отыр.

Алматы облысының солтүстік жартысында төтенше өрт қаупі сақталады. Жетісу облысында жоғары өрт қаупі болады.

Ұлытау, Абай, Шығыс Қазақстан облыстарында, Қарағанды облысының орталығында да өрт қаупі жоғары болмақ.