Толқын Tolqyn.kz ақпараттық агенттігі
» » «Дарын» мемлекеттік жастар сыйлығына байқау жарияланды

«Дарын» мемлекеттік жастар сыйлығына байқау жарияланды

Мәдениет және ақпарат министрлігі «Дарын» мемлекеттік жастар сыйлығына байқау жариялады, деп хабарлайды Egemen.kz аталған ведомствоға сілтеме жасап.

«Дарын» мемлекеттік жастар сыйлығы–ғылым, шығармашылық, қоғамдық қызмет салаларында жемiстi еңбегімен көзге түскен, сондай-ақ жоғары спорттық жетістіктері үшін дарынды жастарды мемлекет тарапынан қолдау мақсатында ұсынылады.

Байқау 10 номинация бойынша өтеді:

- «Әдебиет»,
- «Ғылым»,
- «Дизайн және бейнелеу өнері»,
- «Журналистика»,
- «Классикалық музыка»,
- «Креативті бастамалар»,
- «Спорт»,
- «Театр және кино»,
- «Эстрада»,
- «Халық шығармашылығы».

Сыйлық алуға үміткер бола алатындар: халықаралық және республикалық конкурстардың, фестивальдар мен түрлі шаралардың лауреаттары, республикалық және халықаралық деңгейлердегі спорттық жарыстардың жүлдегерлері мен жеңімпаздары, сондай-ақ қызметі инновациялық болып табылатын және тиісті сала мен тұтастай қоғамды дамытуға ықпал еткен ҚР 35 жасқа дейінгі азаматтар.

«Дарын» жастар сыйлығын алуға кандидатураларды ұсынуды мемлекеттiк органдар, қоғамдық бiрлестiктердің өкілдері жүргiзедi.

Жеңімпаздарға «Дарын мемлекеттік жастар сыйлығының лауреаты» атағы беріледі және олар дипломмен, төсбелгілермен, сондай-ақ қаржылай сыйлықпен марапатталады.

Сыйлықты ұсыну жыл сайын Қазақстан Республикасының Тәуелсіздік күнін мерекелеу аясында өткізіледі.

1992 жылы тағайындалған «Дарын» жастар сыйлығын әр жылдары түрлі саладағы 320-дан астам азамат иеленген болатын.

Конкурсқа қатысуға құжаттар 20 қарашаға дейін Қазақстан Республикасы Мәдениет және ақпарат министрлігінің Жастар және отбасы істері комитеті (қағаз нұсқада) мына мекенжай бойынша: Астана қаласы, Мәнгілік ел даңғылы 10, «Министрліктер үйі» ғимаратында (14-кіреберіс) қабылданады. Ал электрондық нұсқаны premiya.daryn@gmail.com поштасына жолдауға болады. Байланыс номерлері: 8(7172) 74-05-25, 8(7172) 74-18-43, 8 701 170 46 54.
21 қыркүйек 2023 ж. 122 0