Кезекті сенбілік өткізілді

Бүгін аудан көлемінде күзгі санитарлық тазарту, көркейту-көгалдандыру шаралары аясында кезекті сенбілік өткізілді.

Тазалық жұмыстары барысында қалаға кіре беріс аймақтар, көшелер, қоғамдық орындар ретсіз тасталған заттардан тазартылды. Жиналған күл-қоқыстар арнайы техникалардың көмегімен қала сыртындағы полигонға жеткізілді. Арал қаласы бойынша бөлінген 8 секторда қызу жүргізілген сенбілікте тазалық жанашырлары қала келбетінің көркеюіне үлестерін қосты.

Көше бойындағы бағаналар, әлеуметтік нысандардың, мекеме ғимараттарының қасбеттеріне, аллеялар мен скверлерге, демалыс орындарына әрлеу, сырлау жұмыстары жүргізілді.

Атап өтейік ауданға қарасты барлық ауылдық округтерде тазалық шаралары ұйымдастырылып, мекеме қызметкерлері мен белсенді жастар, ерікті тұрғындар жұмылдырылды.