СЕНБІЛІК ӨТКІЗІЛДІ
Сенбіліктің қоғамның назарын тазалық сақтауға аударып, экологиялық мәдениетті қалыптастыруда маңызы зор. Таза ортаның тынысы кең демекші, үрдіске айналған сенбілік қаламыздың көркеюіне көп үлесін қосуда.Бүгін Арал қаласы мен ауданға қарасты барлық ауылдық округтерде төңіректің санитарлық жай-күйін қалыпты сақтау мақсатында тағы бір ұйымдасқан тазалық жұмыстары белсенді түрде жүргізілді.Сенбілік барысында қоғамдық орындар мен жолдың бойы ретсіз тасталған керексіз заттар мен ағаш жапырақтарынан тазаланды.
Мемлекеттік мекеме ұжымдарының қатысуымен өткен тазалық шарасына 15 техника жұмылдырылып, 937 тонна қоқыс арнайы белгіленген орындарға шығарылды.
Барлық тұрғындарды өзі тұратын үйдің ауласын таза ұстап, рұқсат етілмеген жерлерге қоқыс қалдықтарын тастамай, қала тазалығының сақталуына үлес қосуға шақырамыз.
