Несиеге алынған қымбат мүлікке де салық салынады - министр

Ұлттық экономика министрі Әлібек Қуантыров несиеге алынған қымбат мүлікке де байлық салығы салынатынын ескертті, деп хабарлайды Egemen.kz.

«Қымбат заттың қалай сатып алынғаны маңызды емес. Сатып алынған жылжымайтын немесе жылжымалы мүліктің тіркеу алымы төленуікерек», деді Әлібек Қуантыров Сенаттағы Үкімет сағатынан кейін.

Осы тұста министр жаңа Салық кодексінде байлық салығын қымбат мүліктерге салу ұсынылып отырғанын тағы да еске салды.