Толқын Tolqyn.kz ақпараттық агенттігі
» » ЭКОЛОГИЯЛЫҚ ЖАҒДАЙДЫ ЖАҚСАРТУ БОЙЫНША ШАРАЛАРДЫ КҮШЕЙТУ «AMANAT» ПАРТИЯСЫНЫҢ НАЗАРЫНДА

ЭКОЛОГИЯЛЫҚ ЖАҒДАЙДЫ ЖАҚСАРТУ БОЙЫНША ШАРАЛАРДЫ КҮШЕЙТУ «AMANAT» ПАРТИЯСЫНЫҢ НАЗАРЫНДА

Экология біздің өңір үшін өте өзекті мәселе болып қала береді. Сондықтан өңірде қолайлы экологиялық жағдайды сақтауға бағытталған жобалар іске асырылуы қажет. Осы орайда Мемлекет басшысының Арал теңізінің құрғаған ұлтанында алдағы 5 жыл ішінде 1,1 млн. га сексеуіл екпелерін ұлғайту жөнінде шаралар кешенін қабылдау туралы тапсырмасы аясында 2021 жылы 101 мың гектар, 2022 жылы 250 мың га фитоорманмелиорациялық жұмыстары атқарылды.Бұл бағыттағы жұмыстарды жүйелі түрде жалғастыру мақсатында «AMANAT» партиясы өзінің Сайлаулады бағдарламасында 2023 - 2025 жылдары аралығында жыл сайын 250 мың га фитоорманмелиорациялық жұмыстарын жүргізуді жоспарлаған болатын.
Жоспар аясында жыл басынан 53 000 га жерге 16 млн 907 мың дана сексеуіл көшеттері отырғызылып, 7777 га жерге 28 тонна галофитті тұқым себу жұмыстары жүргізілді. Сонымен қатар көктем мезгілінде Селекция орталығымен 4081 га жерге 1 млн. 224 мың 300 дана қара сексеуіл көшеті отырғызылып, бүгінгі күнге 84 мың гектар аумаққа фитоорманмелиорациялық жұмыстар жүргізілген.
Сайлауалды бағдарламаны жүзеге асыруға бағытталған Жол картаның бұл бағыттағы индикаторларының орындалуын бүгін Арал ауданында жұмыс сапарымен болып, Арал орман және жануарлар дүниесін қорғау жөніндегі мемлекеттік мекеме ұжымымен кездескен аймақ басшысы Нұрлыбек Нәлібаев пен партияның облыстық филиалының төрағасы Наурызбай Байқадамов бағамдап, жұмысты күшейтуге қатысты нақты тапсырмалар берді.
#AMANAT
02 қараша 2023 ж. 234 0