Толқын Tolqyn.kz ақпараттық агенттігі
» » Қызылшаға қарсы екпенің пайдасы

Қызылшаға қарсы екпенің пайдасы

Бүгінгі таңда елімізде қызылшамен ауыратын адамдар санының өсуі байқалады, бұл негізінен бес жасқа дейінгі балалар. Ауруды жұқтырғандардың көбісі - екпе жүргізілмеген балалар. Ең жоғары пайызы ата-аналары вакцинациядан бас тартқан балаларда, қалғаны медициналық қарсы көрсетілімдері бар және екпе жүргізу жас деңгейіне жетпеген балаларда байқалады. Республиканың Бас мемлекеттік санитариялық дәрігерінің ағымдағы жылдың 6 қарашасынан бастап 6 айдан 11 айға дейінгі балаларға, сондай-ақ желтоқсан айынан бастап 2 жастан бастап 5 жасқа дейінгі балаларға қызылшаға қарсы қосымша жаппай иммундау жүргізу туралы №7 қаулы шықты.
Сондай-ақ эпидемиологиялық көрсеткіштер бойынша вакцинация медицина қызметкерлеріне жүргізіледі, өйткені бұл тұлғаларда қызылша ауруына ықтимал науқастармен жиі байланыста болу салдарынан ауру жұқтыру қаупі жоғары.
Қызылша өте жұқпалы жедел вирустық ауру екенін атап өткім келеді. Вирустың таралуы ауа тамшыларымен, сілекей тамшыларымен, түшкіру, жөтелу, сөйлесу арқылы жүреді. Инфекцияны бөлмедегі қызылшамен ауырған адам болған ауаны жұту кезінде жұқтыру мүмкін. Егер адам қызылшамен ауырмаса немесе осы инфекцияға қарсы вакцинацияланбаған болса, онда науқаспен байланысқаннан кейін инфекция 100% жұғу мүмкін. Бүгінгі таңда вакцинация алмаған, қызылшамен ауырған балаларда аурудың клиникасы ауыр ағымда өтумен ерекшеленеді және өкпенің қабынуы сияқты асқынулар жиі байқалуда. Қызылшаның алдын алудың жалғыз тиімді шарасы-жоспарлы вакцинация.
Қазіргі таңда ең дұрыс шешім-қызылшаға қарсы екпе егу, сондай-ақ вакцинация мәртебесі болмаған немесе белгісіз болған жағдайда егу.
Қызылшаға күдік туындаған барлық жағдайларда уақтылы медициналық көмекке жүгіну, науқасты оқшаулау
және емдеу қажет! Өз денсаулығыңызға және балаларыңыздың денсаулығына мұқият болыңыз, сақ болыңыз!
А.Сатекеева,
Арал аудандық Сэбб басшысы
09 қараша 2023 ж. 379 0