Қызылорда облысында жол жабылды
Қызылорда облысында күн райының күрт нашарлауына байланысты «Самара-Шымкент» автомобиль жолының бірқатар бөлігіне шектеу енгізілді, деп хабарлайды BAQ.KZ облыстық полиция департаментіне сілтеме жасап.Белгілі болғандай, өңірде қарлы боран және нөлден төмен температура орын алған.
Осыған байланысты "ҚазАвтоЖол" АҚ Қызылорда облысы филиалы тарапынан Астана қаласы уақытымен 29 қаңтар түнгі 01:50-ден бастап республикалық маңызы бар „Самара-Шымкент“ автомобиль жолының 1940-2055,5 шақырым аралығына барлық көлік қозғалысына уақытша шектеу қойылды. Ол Шиелі ауданынан Түркістан облысының шекарасына дейінгі аралықты қамтиды, - делінген ведомство таратқан хабарламада.
Еске сала кетейік, бұған дейін синоптиктер 29 қаңтарда елімізде ауа райы тұрақсыз болады деп болжам жасаған болатын.
Фото:ашық дереккөз
