Қала аумағының тазалығына салғырт қарағандар айыппұл төлейді
Қала аумағында тазалыққа салғырт қарайтын тұрғындар азаймай тұр. Қала ішіндегі рұқсат етілмеген орындарға қоқыс тастау жағдайлары жиі кездесуде.Қазіргі таңда Арал қаласында арнайы тазалық қағидаларының сақталуын қадағалау мақсатында рейдтік іс-шаралар жүргізілуде.
Іс-шара барысында Аудандық полиция бөлімі тарапынан белгіленбеген орындарға қоқыс тастау және қоғамдық орындарды ластау дерегімен анықталған тұрғындарға "ҚР Әкімшілік құқық бұзушылық туралы" кодексінің 434-2 бабымен хаттама толтырылып, айыппұл салынды.
Тазалықты сақтау бағытындағы рейдтік іс-шаралары тағыда жалғасатын болады.
Барша қала тұрғындарын туған жеріміздің келбетіне бей-жай қарамай, тазалық сақтауға шақырамыз!
(Арал қаласы фейсбук парақшасынан алынды)
