Тазалық – баршаға ортақ іс

Әне-міне дегенше тоқсан да кірді. Санаулы күндерден соң күн мен түнді теңестіретін әз Наурыз мерекесін қарсы аламыз. Самарқанның көк тасы еріген сол уақытта барша тіршілік біткен жаңарады. Үлкен-кіші еңселі ертеңге сеніммен көз салады.

Иә, тақырып тазалық туралы болғанымен, әлқиссамызда сәл жоғарырақта наурызбен ұштастырдық. Осы айдың басында аймағымыз бен ауданда сенбілік жұмыстары басталып кетті. Айнала тазалығына алаңдайтын ағайын игі іске біркісідей жұмыла білді. Әлі де сол үрдістің төңірегінде күл-қоқыстан арылу үшін қолға күрек-тырма алғандарды көріп, іштей сүйсінесің.

Барлық мөлтек аудандардағы сектор жетекшілеріне тазалық жұмыстарын жоғары деңгейде жүргізуді міндеттелді. Ендігі жерде жан-жаққа тал егіп, көгалдандыруға да айрықша басымдық берілуде. Қазақта «бір тал кессең, он тал ек» деген тәмсіл бар. Соның негізінде ел болып жұмыла көктемгі көшет егу жұмысына өз үлесімізді қоссақ, нұр үстіне нұр болмақ. Ендігі жерде бәріміз бір жағадан бас, бір жеңнен қол шығарып, ортақ іске белсене атсалысайық. Себебі сенбілік ат төбеліндей адамдармен ғана емес, көппен бітетін жұмыс.

Сенбіде адам жата ма қарап тыныш,

Жасағанға не жетсін ғажап бір іс.

Туған жердің перзенті болғаннан соң,

Тазалыққа бәріміз жауаптымыз.

А. БИСЕНОВ