"Жарқын болашақ" олимпиадасының аудандық кезеңі өткізілді

Арал ауданы бойынша білім бөлімі әдістемелік кабинетінің ұйымдастыруымен 2024 жылдың 4 наурызында республикалық «Жарқын болашақ» олимпиадасының аудандық кезеңі өткізілді.

Сайысқа қатысушылар 5 бағыт бойынша шығармашылық қабілеттері мен өз өнерлерін танытты.

1-бағыт: «Бейнелеушілер». Комикс жанрында әдеби шығарма бойынша сурет салу байқауы;

2-бағыт: «Жас қаламгерлер». Берілген тақырыптардың біріне сюжетке құрылған новелла, әңгіме жазу байқауы;

3-бағыт: «Білгірлер бәйгесі». Жұмбақ шешу, мақал-мәтелдерді жалғастыру;

4-бағыт: «Сөз шеберлері». Берілген тақырыпқа шешен сөйлей білу;

5-бағыт: «Әнші-бұлбұлдар». Дәстүрлі және эстрадалық әндерді орындау байқауы.

Олимпиаданың қорытындысы бойынша әр бағыттан І орын алған №81 орта мектеп оқушылары Қуанышова Әлия мен Алмасбекқызы Аяжан, №71 орта мектеп оқушысы Алдабергенова Айша, №263 орта мектеп оқушысы Сәрсенбай Гүлбақыт, №220 мектеп оқушысы Әбдіқалықова Мерей осы сайыстың облыстық кезеңіне қатысады.

Жеңімпаз оқушыларымызға СӘТТІЛІК пен ЖЕҢІС тілейміз!