Дөңгелек үстел өткізілді

Арал аудандық сотында судья Б.Керуенбаевтың төрағалығымен, Арал ауданының жергілікті атқарушы және өкілетті органдарымен, полиция бөлімімен, сот орындаушылар мен адвокаттардың және жергілікті БАҚ өкілдерінің қатысуымен жаңадан құрылатын кассациялық соттың мәртебесі мен маңыздылығы жайлы және оны халық арасында кеңінен ақпараттандыру мақсатында дөңгелек үстел өткізілді.

Төрағалық етуші шараны ашып, 2025 жылы Астана қаласында құрылатын кассациялық соттың артықшылықтары мен тиімділігіне тоқталды. Тәуелсіз кассациялық инстанция құру сот төрелігінің сапасын және азаматтардың жалпы соттарға деген сенім деңгейін арттыруға ықпал ететінін атап өтті.

Шара соңында қатысушылар өз ара пікір алмасып, енгізілгелі отырған жаңашылдықтың артықшылықтарын талқылады.

Арал аудандық соты