Дөңгелек үстел өткізілді

Арал аудандық сотында «Атқарушылық жазбаны дамыту мәселелері» тақырыбында online режимде дөңгелек үстел өткізілді. Шараға аудандық соттың судьясы Г.Нұрымбетова, жеке нотариустар Ғ.Қарағұлқызы және Ж.Жаңабаев қатысты.

Шараны Г.Нұрымбетова ашып, атқарушылық жазба дауларды соттан тыс реттеудің тәсілі болып табылатынын айтып, атқарушылық жазбаны жасау шарттары мен жазба бойынша өндіріп алу тәртібі жайына тоқталды.

Сондай-ақ, Қазақстан Республикасының «Нотариат туралы» заңымен атқарушылық жазба арқылы шешілуге жататын даулардың санаттары ұлғайғанын, сондықтан дауды соттан тыс реттеудің тәртібін сақтамау талап қоюшының арызын қайтаруға негіз болатынын түсіндірді

Шара соңында қатысушылар заңның практикада қолданылуына қатысты сындарлы пікір алмасып, құқықты қолдануда туындауы мүмкін деген мәселелерді талқылады.

Арал аудандық сотының баспасөз қызметі