Арал аудандық сотында жеке сот орындаушысының Қазақстан Республикасынан шығуын уақытша шектеу туралы қаулысы қаралды.Атқарушылық іс жүргізу материалдарына сәйкес, қаулы Арал аудандық сотында 2018 жылы қаралған борышкер И-ден алимент өндіру туралы азаматтық іске байланысты қабылданған. Борышкер сот шешімін орындамағаны үшін әкімшілік және қылмыстық жауапкершілік туралы ескертілген.
Қазақстан Республикасының «Атқарушылық iс жүргiзу және сот орындаушыларының мәртебесi туралы» Заңының 33-бабының 1-бөлігіне сәйкес, борышкер болып табылатын жеке тұлғаның, заңды тұлға басшысының (оның міндетін атқарушының) Қазақстан Республикасынан шығуын уақытша шектеу туралы сот орындаушысының қаулысы Қазақстан Республикасының азаматтық іс жүргізу заңнамасында белгіленген тәртіппен соттың санкциялауына жатады.
Сотпен борышкердің сот актісін орындамауына байланысты Қазақстан Республикасынан шығуын уақытша шектеу туралы қаулы санкцияланды.
Арал аудандық сотының
баспасөз қызметі