Бүгін елімізде ауа райы қандай болады?

28 маусымда Қазақстан аумағында синоптикалық жағдай мен қауіпті ауа райы құбылысының болжамы жарияланды, деп хабарлайды Egemen.kz.

Мамандардың болжауынша, Қазақстан аумағының басым бөлігіне солтүстік-батыс циклонының және онымен байланысты атмосфералық фронтальды учаскелердің ықпалы сақталады. Оның салдарынан елімізде жаңбыр жауады, батыста және солтүстік-батыста қатты жаңбыр жауады.

Найзағай, бұршақ, бұрқасын күтіледі. Тек Қазақстан Республикасының шығысында антициклон сілемінің әсерінен жауын-шашынсыз ауа райы сақталады.

Республика бойынша жел күшейеді, оңтүстікте шаңды дауыл соғады, түнде және таңертең оңтүстік-батыста тұман болады.

Күндіз Абай, Жетісу, Алматы, Ақмола, Павлодар, Қарағанды, Жамбыл, Шығыс Қазақстан, Қостанай облыстарының оңтүстігі мен Ұлытау облыстарының шығысында қатты ыстық сақталады.

Солтүстікте, орталықта Алматы облысы мен Жетісу облысында, Шығыс Қазақстан облысының оңтүстігі мен Абай ауданында, Жамбыл облысының батысында, солтүстігінде және шығысында өте қатты ыстық күтіледі.

Қарағанды, Павлодар облыстарында, Абай, Жетісу облыстарында, Ұлытау облысының солтүстігінде, шығысында, батысында, Қостанай облысының солтүстігінде, батысында, Ақмоланың оңтүстігінде, Шығыс Қазақстанның оңтүстігінде, батыста, солтүстік-шығыста, Маңғыстау облыстарының орталығында жоғары өрт қаупі бар.

Түркістан, Жамбыл, Қызылорда, Алматы облыстарында, Ұлытау облысында, Маңғыстаудың солтүстігінде, Қостанайдың оңтүстігінде, Қарағанды облысының батысында, Абай облысының оңтүстігінде, солтүстікте, Жетісу облысының шығысында, Атырау облысының батысында, оңтүстік-шығысында өте жоғары өрт қаупі сақталады.

Сурет: ​egemen.kz​​​