Ауданда кенеге қарсы күзгі залалсыздандыру жұмысының жүргізілу барысы

Арал ауданында 2024 жылға Конго-Қырым геморрагиялық қызбасы ауруынан 11 қолайсыз елді мекен есепке алынған. Арал аудандық СЭБ басқармасы тарапынан 22.07.2024ж. №24-34-20-05-15/446-и санды "Арал ауданында Конго-Қырым геморрагиялық қызбасы ауруының алдын алу шаралары туралы" қатынас хат Арал қаласы, кент, ауылдық округ әкімдеріне жолданып, қораларды қидан тазарту, елді мекендерді лас-қоқыстардан тазарту жұмыстарын ұйымдастыру тапсырылды, аралау барысында қаралған үйлердің мал қоралары қидан, лас-қоқыстан тазартылғаны анықталды. Сонымен қатар облыстық департаменттен 31.07.2024ж. №34-8/3852 санды қатынас хатқа сәйкес күзгі залалсыздандыру жұмыстары бір кезеңмен жасалатыны туралы хабарламаға сәйкес қайта хабарланды.

Ауданда кенеге қарсы заласыздандыру жұмыстары 13.08.2024 жылдан басталып, 30.08.2024ж. аяқталды. Залалсыздандыру жұмыстары кестеге сәйкес жүргізілді.

Кенеге қарсы залалсыздандыру жұмыстарының тиімділігін анықтау мақсатында кенеге қарсы залалсыздандыру жұмыстарының аяқталғанына 5 күн өткен 11 елді мекенде малдар мен мал қоралар кенеге қаралып, кене анықталған жоқ, залалсыздандыру жұмыстарының тиімділігі 100 пайыз құрады. Сонымен қатар "ҰСО" Қызылорда облысы филиалының зоологиялық тобының елді мекендер айналасына 300 метр радиустегі қорғаныс аймағына жасаған залалсыздандыру жұмыстарының барысы қаралды, қорғаныс аймағы толық кестеге сәйкес жасалды.