Аманаттықтар тазалық жұмысын жүргізді

Мемлекет басшысының «Таза Қазақстан» акциясы аясында өңірімізде, оның ішінде ауданымыздың барлық аумағында абаттандыру жалпы тазалық жұмыстары қарқынды жүргізіліп келеді. Игі істен шет қалмай, партиялықтар да бұл жұмыстарға белсенді атсалысуда.

Бүгін «Таза бейсенбі» акциясы және «Tazalike» партиялық жобасы аясында Арал қаласының Вокзал жаныңдағы аллея аумағында аудандық мәслихат депутаттары, партияның аудандық филиалының қызметкерлері, бастауыш партия ұйымдардың белсенді мүшелері мен жастардың қатысуымен кезекті тазалық жұмыстары ұйымдастырылды.

Қоршаған ортаны жақсарту мәселесіне басымдық берген аманаттықтар аталған аумақтағы ретсіз қоқыстарды жинап, шығару секілді бірқатар жұмыстарды атқарды.

Қоршаған ортаның тазалығына жауапкершілікпен қарау – әрбір азаматтың басты міндеті. Сондықтан тазалық жұмыстарына баршамыз бірге атсалысайық!