Қазақстанның екі өңірінде жолдар жабылды

Атырау және Маңғыстау облыстарында қолайсыз ауа райына байланысты жолдарда көлік қозғалысы шектелді, - деп хабарлайды Massaget.kz тілшісі "ҚазАвтоЖолдың" баспасөз қызметіне сілтеме жасап.

Атырау облысында 16 қаңтар сағат 21:30-да ауа райының бұзылуына байланысты Доссор - Құлсары - Бейнеу - Сайөтес - Шетпе - Жетібай - Ақтау автожолының 0-210 шақырым аралығындағы учаскесінде (Доссор ауылы - Қисымбай ауылы) көліктің барлық түрінің қозғалысына шектеу қойылды.

Ал Маңғыстау облысында Доссор - Құлсары - Бейнеу - Сайөтес - Шетпе - Жетібай - Ақтау автожолының 210-220 шақырым аралығындағы учаскесінде (Атырау облысының шекарасы - Боранқұл ауылы) көліктің барлық түрінің қозғалысына шектеу қойылды.

Жолдарды 16 қаңтар сағат 23:50-де ашу жоспарланған.

Фото: Нұрболат Нұржаубай