Әжелер, аналар мектебіндегі тағылымды көрме

Сөзге де шебер, іске де ұста халқымыздың зор мәдениеті мен өнерін паш ететін құндылықтардың бірі - қолөнер. Қазақ халқының өмірімен, тұрмысымен бірге дамып, ұрпақтан-ұрпаққа беріліп, ата-бабаларымыз ертеден қастерлеп бағалай білген дүниесі. "Алтын балық" бөбекжай -бақшасының "Біртұтас тәрбие" бағдарламасы аясында құрылған Әжелер " және "Аналар" мектебі жыл бойы осы ұлттық құндылықтарды насихаттауға арналған кездесулер өткізіп, іс-шара мазмұнын байытып келеді.

Бұл жолы "Зерттеуші бүлдіршін" тобының әжелері мен аналары қатысқан "ШЕБЕРДІҢ ҚОЛЫ ОРТАҚ" тағылымды іс-шарасы қазақтың қолөнеріне арналды. Өресі биік, өрісі кең өнерді әжелеріміз, аналарымыз балаларға үйретті. Терең тәрбиелік мәнге ие, бірігудің белгісі саналған құрақ құрау, сәндік қолөнер түрі саналған кесте тігу, тоқу түрлері қамтылған шара болды. Руханият пен азаматтықты өркендету жолында бүкіл күш -жігерін жұмсап, қазақ қолөнерін дәріптеген әжелеріміз, аналарымыз көпке үлгі.