Бөтеннің мүлкін қасақана бүлдіргені үшін жазаланды

Арал аудандық сотында Қазақстан Республикасының ӘҚБтК-нің 147-1-бабының 2-бөлігімен азамат Б-ға қатысты әкімшілік құқық бұзушылық туралы іс қаралды.

Әкімшілік құқық бұзушылық туралы хаттамаға сәйкес, Б. ағымдағы жылдың 6 наурызы күні, алкогольдік масаң күйде жәбірленуші К-нің үйінің терезесінің әйнектерін қасақана ұрып сындырған.

Бұған дейін ол, 2024 жылғы 29 шілдедегі сот қаулысымен ӘҚБтК-нің 147-1-бабы 1-бөлігімен кінәлі деп танылып, әкімшілік айыппұл түріндегі жазаға тартылған.

Сот отырысында оның құқық бұзушылық әрекеті өзінің кінәсін мойындаған түсінігімен, сондай-ақ сотта зерттелген іс құжаттарымен толық дәлелденген.

Сот қаулысымен Б. аталған баппен кінәлі деп танылып, оған 20 тәулікке әкімшілік қамаққа алу жазасы тағайындалды.

Арал аудандық соты