Қаладағы кәріз желісінің І кезеңі аяқталуға жақын

Ауданда құрылыс жұмыстары қарқынды жүргізілуде. Айталық өткен жылы басталған Арал қаласындағы кәріз желісінің сыртқы құрылысының І кезеңі аяқталуға жақын. Бұл мәселе осы кезге дейін жергілікті тұрғындар тарапынан үнемі көтеріліп келді.

Кәріз жүйесін іске қосу арқылы Арал қаласынан заманауи үлгідегі көпқабатты тұрғын үйлерді салуға мүмкіндік туындайтынын айта кеткен жөн. Қазіргі таңда, 2,16 шақырым - 110 мм диаметрлі құбыр, 8,1 шақырым - 160 мм диаметрлі құбыр, 5,2 шақырым - 315 мм диаметрлі құбыр және 26 дана құдықтар монтаждалып, жұмыс 100 пайызға орындалды. 3 дана кәріз насос станциясы (КНС) және қажетті электр желілері мен бағаналары жеткізілді.

Бүгінде 3 КНС толық монтаждалып, іске қосуға дайындық жұмыстары жүргізілуде. Жоба бойынша жалпы ұзындығы 12 шақырым болатын кәріз желісіне бірінші кезекте 15 әлеуметтік нысан және желі бойындағы жеке тұрғын үйлерге қосылу мүмкіндігі туындайды.

Арал ауданы әкімдігінің баспасөз қызметі