Партиялық бақылау комиссиясының кезекті отырысы өткізілді

Бүгін "AMANAT" партиясы Арал аудандық филиалы жанындағы партиялық бақылау комиссиясының отырысы өткізілді.Жиынға "AMANAT" партиясы Арал аудандық филиалының төрағасы Төрахметов Базарбай Шөменұлы , AMANAT" партиясы Арал аудандық филиалының Атқарушы хатшысы Қанатов Талғат Мырзағұлұлы, комиссия мүшелері, тиісті бөлім басшылары мен мамандары қатысты.

Отырысты Партиялық бақылау комиссиясының төрағасы Ембергенова Нұрсауле Сайлауқызы ашып жүргізіп, күн тәртібінде қаралатын мәселелерге тоқталды. Комиссия отырысының күн тәртібінде Арал ауданы бойынша Төтенше жағдайлардың алдын алу мен өрт қауіпсіздігін сақтау мақсатында атқарылып жатқан жұмыстардың I жарты жылдық есебі мен жыл көлемінде атқарылатын жұмыстар туралы мәселе сөз болды.

Аталған мәселе бойынша Аудандық төтенше жағдайлар бөлімінің бастығы азаматтық қорғау майоры Сыдықов Айдос Мұратұлы баяндама жасады. Отырыс барысында Айдос Мұратұлы жыл басынан бері бөлім тарапынан жасалған жұмыстарды тізбектеді.
Қаралған мәселелер төңірегінде комиссия мүшелері тарапынан бірқатар сұрақтар қойылып тиісті мекемелерге арнайы ұсыныстар берілді.
Күн тәртібінде көтерілген ұсыныстар партия филиалының бақылауында болады.