Күн күйіп тұр: аптап сақталатын өңірлер аталды

Жұма, 29 тамызда Қазақстанда ауа райы құбылмалы болады. Оңтүстікте қатты ыстық, солтүстік пен батыста жаңбыр мен найзағай, - деп хабарлайды Massaget.kz тілшісі Қазгидрометке сілтеме жасап.

Батыста, солтүстікте және шығыста кей жерлерде жаңбыр, найзағай, дауылды жел, бұршақ және құмды дауыл күтіледі. Кей қалаларда түнде және таңертең тұман болады. Оңтүстік өңірлерде +38…+41 градусқа дейін аномальды ыстық сақталады.

Астана (Ақмола облысы) – құбылмалы бұлтты, кей уақытта жаңбыр, найзағай, бұршақ, дауыл, құмды дауыл болады. Жел солтүстік-батыстан 9–14, екпіні 20 м/с-қа дейін. Түнде +16…+18, күндіз +24…+26 градус. Қарағанды – құбылмалы бұлтты, күндіз жаңбыр мен найзағай, түнде +17…+19, күндіз +24…+26 градус. Жезқазған (Ұлытау) – жауын-шашынсыз, күндіз +31…+33 градус.

Оңтүстік

Алматы – құбылмалы бұлтты, жауын-шашынсыз, түнде +17…+19, күндіз +33…+35 ыстық. Қонаевта да осындай, күндіз +33…+35 градус. Талдықорған (Жетісу) – ашық, күндіз +32…+34. Шымкент – аздаған бұлтты, жауын-шашынсыз, түнде +19…+21, күндіз +36…+38 градус. Түркістан – ашық, күндіз +36…+38, Түркістан облысының шөлді аудандарында +41 градусқа дейін ыстық. Тараз (Жамбыл облысы) – құбылмалы бұлтты, жауын-шашынсыз, түнде +16…+18, күндіз +33…+35 градус. Қызылорда – ашық, түнде +19…+21, күндіз +37…+39 қатты ыстық.

Солтүстік және шығыс

Петропавл – түнде жаңбыр мен найзағай, күндіз +20…+22. Қостанай – құбылмалы бұлтты, жауын-шашынсыз, түнде +8…+10, күндіз +21…+23. Көкшетау – түнде және таңертең жаңбыр, найзағай, дауыл, күндіз +21…+23. Павлодар – кей жерлерде жаңбыр мен найзағай, түнде +17…+22, күндіз +21…+26, оңтүстігінде +30 градусқа дейін. Өскемен – құбылмалы бұлтты, жауын-шашынсыз, түнде +8…+10, күндіз +28…+30 градус. Семей – күндіз жаңбыр мен найзағай, түнде +12…+14, күндіз +30…+32 градус.

Батыс

Орал – жауын-шашынсыз, түнде +8…+10, күндіз +23…+25. Атырау – ашық, күндіз +30…+32 градус. Ақтау – ашық, түнде +23…+25, күндіз +34…+36 градус. Ақтөбе – аздаған бұлттылық, жауын-шашынсыз, түнде +7…+9, күндіз +24…+26 градус.

Фото: Нұрболат Нұржаубай