ОБЛЫСТЫҚ МӘСЛИХАТ ДЕПУТАТТАРЫ ЖҰМЫС САПАРЫМЕН АРАЛ АУДАНЫНДА БОЛДЫ

Облыстық мәслихаттағы “AMANAT” фракциясының мүшелері Нұрымбетов Жорабек Ибрагимұлы, Ысқақ Жангелді Ойшылұлы және партияның аудандық филиалының төрағасы Төрахметов Базарбай Шөменұлы Арал ауданындағы бірқатар әлеуметтік нысандарды аралады.Депутаттар аудандағы №19 Арал ауданының олимпиадалық резервтің мамандандырылған балалар және жасөспірімдер спорт мектебінің, Арал қалалық №14 мектеп-лицейінің және №13 орта мектебінің, сондай-ақ, Сапақ ауылдық округіне қарасты №69 Сапақ орта мектебінің жылу беру маусымына дайындық жұмыстарымен танысты.
Танысу барысында мектептер мен спорт мектебінің жылу қазандығы, оқушылардың қауіпсіздігі және оқу процесі туралы мәселелер талқыланды.
Сондай-ақ, әлеуметтік нысандарды жетілдіру, қажетті жабдықтармен қамтамасыз ету және оқу-тәрбие процесін жақсарту бойынша ой-пікір алмасты.