Толқын Tolqyn.kz ақпараттық агенттігі
» » ЖЕҢІМПАЗ ЖЕРЛЕСІМІЗ ЕЛГЕ ОРАЛДЫ

ЖЕҢІМПАЗ ЖЕРЛЕСІМІЗ ЕЛГЕ ОРАЛДЫ

Өзбекстан Республикасының Ташкент қаласында әмбебап жекпе-жектен Азия Чемпионатында жерлесіміз Сауытбаев Фараби чемпион атанған болатын.Ол 65 келі салмақ дәрежесінде сынға түсіп, қанжығасына алтын медаль байлады. Алдымен Ауғанстан Республикасының спортшысын таза жеңіспен, одан соң екінші кезеңде Тәжікстан спортшысын - 4:1есебімен жеңді. Финалдық кездесуде алаң қожайыны Өзбекстан спортшысын - 3:1 есебімен жеңіп, еліміздің абыройын асқақтатты.
Ф. Сауытбаев 1993 жылдың 19 қазанында Арал ауданында дүниеге келген. Әмбебап жекпе-жектен ҚР-ның халықаралық дәрежедегі спорт шебері. 2018 жылғы Әлем чемпионатының күміс жүлдегері. Қазіргі таңда №19 Арал ауданының олимпиадалық резервтің мамандандырылған балалар-жасөспірімдер мектебінде тәлім алады. Жаттықтырушысы: Бауыржан Жүсіпов.
Бүгін Арал аудандық спорт бөлімінің басшысы Т. Әлжанов, №19 Арал ауданының олимпиадалық резервтің мамандандырылған балалар-жасөспірімдер мектебінің директоры С. Алмағамбетов және белсенді жастар жеңімпазымызды темір жол вокзалынан арнайы күтіп алды. Жас чемпионды жеңісімен құттықтап, жылы лебіздерін білдірді.
24 қаңтар 2019 ж. 1 347 0