Ардагерлерге үйден медициналық кеңестер берілді
“AMANAT” партиясының “Ардагерлерді ардақтайық” жобасы аясында “Аудандық аурухана” бастауыш партия ұйымының мүшелері қарттар мен зейнеткер азаматтарға құрмет көрсетіп, үйлеріне барып медициналық кеңес берді.Шара барысында дәрігерлер ардагерлердің денсаулық жағдайын тексеріп, қан қысымын өлшеп, жалпы жағдайларын бақылаудан өткізді. Сонымен қатар, созылмалы аурулардың алдын алу, дұрыс тамақтану және дәрі-дәрмектерді қолдану тәртібі бойынша пайдалы кеңестер берілді.
Мақсат – ардагерлердің денсаулығына жіті көңіл бөліп, оларға қажетті медициналық қолдау көрсету. Осындай игі шаралар арқылы ардагерлерге деген құрмет пен қамқорлықтың қоғамда арта түсуі – “AMANAT” партиясының басты міндеттерінің бірі.
#АМАНАТ
