«Парктер шеруі – табиғатты қорғаудың жарқын үлгісі»

Қазіргі таңда қоршаған ортаны қорғау мәселесі бүкіл әлем үшін аса маңызды тақырыптардың біріне айналды. Табиғи ресурстардың азаюы, ауа мен судың ластануы, биоалуантүрліліктің жойылуы – осының бәрі адамзаттың табиғатқа деген жауапкершілігін арттыруды талап етеді. Осындай маңызды міндеттерді жүзеге асыруға бағытталған игі бастамалардың бірі – «Парктер шеруі-2026» табиғатты қорғау акциясы.

«Парктер шеруі-2026» – ерекше қорғалатын табиғи аумақтарды сақтау мен қорғауға арналған кең ауқымды экологиялық шара. Бұл акция жыл сайын өткізіліп, қоғамның түрлі топтарын: оқушыларды, студенттерді, еріктілерді, ғалымдарды және қарапайым тұрғындарды табиғатты қорғау ісіне жұмылдырады. Акция барысында ағаш отырғызу, саябақтар мен орман алқаптарын тазалау, экологиялық ағарту жұмыстары сияқты көптеген пайдалы іс-шаралар ұйымдастырылады.

Аталған бастаманың басты ерекшелігі – оның тәрбиелік мәнінде. «Парктер шеруі-2026» адамдардың табиғатқа деген сүйіспеншілігін арттырып қана қоймай, экологиялық мәдениетті қалыптастыруға ықпал етеді. Әсіресе жас ұрпақ үшін бұл акцияның маңызы зор. Табиғатты аялау, оны қорғау қажеттігін түсінген бала ертең саналы азамат болып қалыптасады. Сонымен қатар, бұл шара қоғамдағы ынтымақтастықты нығайтады. Бір мақсат жолында бірігу – адамдарды жақындастырып, ортақ құндылықтарды дәріптейді.

Табиғатты қорғау – жеке адамның ғана емес, бүкіл қоғамның міндеті екенін «Парктер шеруі-2026» айқын көрсетеді. Қорытындылай келе, «Парктер шеру-2026» – табиғатты қорғаудың жарқын үлгісі ғана емес, ол – болашаққа жасалған маңызды қадам. Әрбір отырғызылған ағаш, әрбір тазаланған аумақ – келешек ұрпаққа қалдырылған баға жетпес мұра. Сондықтан табиғатты қорғау ісіне әр адам өз үлесін  қосуы тиіс.

Барсакелмес мемлекеттік табиғи қорығының

қызметкері Ж.Қалдығұлова