Қадір түнінде шыдай алмай ұйықтап кеткен адамның тілегі қабыл бола ма?

Биыл Рамазан айындағы ең қасиетті мүбәрак түні 31 мамырдың бірінші маусымға ауған түнге түспек. 83 жылдық сауапқа пара-пар келетін Қадір түнін қалай өткізген дұрыс және қандай дұғалар оқу қажет екені жөнінде ҚМДБ өкілі толығырақ айтып берді
Діни басқармаға қарасты қоғаммен байланыс бөлімінің меңгерушісі Қадір түніне қатысты тың мәлімттермен бөлісіп, қасиетті түнге Қыдыр атаның қандай қатысы бар екенін де айтты.

"Пайғамбарымыз бұл түнді көп тілек тілеу мен дұға жасаумен өткізу керек екенін ескертеді. Ол күні Қыдыр атаны күтетін күн емес, дұға тілек жасап, құлшылық жасап оны Алладан қабыл болуын күтетін уақыт. Қадір түнін Қыдыр келеді деп күтуден аулақ болуымыз керек.Екеуін шатастыруға болмайды" , - деді Алтынбек Ұтысханұлы.

Оған қоса, ол Қадір түнінде қандай дұғалар оқылу керектігін түсіндірді.

"Егерде білетін болсақ, дұғаны негізгі шарттары мен тәртіптері бойынша жасаған дұрыс. Мәселен, Алланың көркем есімдерін атап тұрып дұға қылсаңыз, онда дұғаңыздың қабыл болуына тағы бір мүмкіншілік туады екен. Яғни, бір ауру адамға шипа сұрайтын болсаңыз, "Шәфи есімімен шипа бере гөр" деп сұоау керек.Алла бізге мейірім бер дегеннен гөрі, "Рәхмән сипатыңмен, Рахим сипатыңмен" мейірімді бола көрші деген дұрыс. Оған қоса, "Қаһар деген сипатымен қаһарыңды төндіре көрмеші" деп Алланың көрсем есімдерін атап тұрып дұға қылатын болсаң ол өте жақсы болады. Қазіргі таңда, әлеуметтік желілерден көркем есімдерді тауып алуға болады. Оларды атап, мағынасына қарай отырып өзіңнің ішкі және сыртқы дүниеңді Алла тағаладан сұраумызы керек" , - деді ҚМДБ өкілі.

Алтынбек Ұтысханұлының сөзінше, дұғаның қабыл болуының маңызды шарты шынайы ықыласта екен. Ол немқұрайлы дұға жасаудан аулақ болу керек екенін жеткізді. ҚМДБ өкілі дұғалардың орындалмауы көбіне шын жүректен шығарылмауынан, шынайы ықыласпен беріліп тілемегендіктен туындайды деді.

"Сізді Алла көріп тұрғандай дұға жасау керек. Сіз оны көрмесеңіз де" , - деді ол.

Ер адам Қадыр түнінде шаршап ұйықтап қалған жағдайда не болатынын айтты.

"Шаршап жұмыстан келіп, немесе өзіңізді өзіңіз ұстай алмай ұйықтап кетіп жатсаңыз ИншаАлла Алла мейірімді, адамның жүрегін көруші соған қарай тілегіңізді қабыл етеді. Құранда аят бар: Алланың рахметінен, мейірімінен күдеріңді үзбе дейді. Мен ұйықтап қалдым, дұғам қабыл болмады, босқа уақытымды өткізіп алдым ғой деп өкіну бар.Ол да тақуалдықтың белгісі. Ол Аллаға қаншалықты сенетіңнің белгісі. Дегенмен осы қабыл болмай қалды ғой деп қатты уайымға кіру қажет емес. Керісінше, үміт басым болу керек. Алла көруші , естуші сіздің не мақсатта отырғаныңызды, қалай ұйықтап қалғаныңызды біледі. Соған қарай, Алла ниетіңізді қабыл етеді" , - деп қайырды Алтынбек Ұтысханұлы.