ЕЛ ЕРТЕҢІНЕ СЕНІМ МОЛ
Елімізде 9 маусым күні өткізілген кезектен тыс Президент сайлауы да өз мәресіне жетті. Бұл ел өміріндегі елеулі оқиғалардың бірі болды. Кезектен тыс сайлау Қазақстанның экономикасы үшін, елдің мүддесі мен халықтың әл-ауқатының тұрақты дамуы үшін өткізіліп отыр. Демек бұл бүкіл халықтың тағдыры, тыныс-тіршілігі, отбасы мен ұрпақ тағдыры бір арнаға тоғысып, осы сайлауда жеті үміткердің ішінен бір адамға сенім білдіріліп, яғни ел болашағы аманат етілетін сын сағат болды.Кезектен тыс өткізілген сайлауда халық өз таңдауын жасады. Көпшілік дауыспен Қасым-Жомарт Кемелұлы Тоқаев жеңіске жетті. Қасым-Жомарт Тоқаев әлемдік деңгейдегі саясаткер. Халықтың мұң-мұқтажын, тұрмыс-тіршілігін жақсы біледі. Сондықтан да, ел басшысы ретінде халық үмітін ақтайды, өз міндеті мен жауапкершілігін терең сезінеді және де еліміздің болашағының жарқын болуына, гүлденіп, көркеюіне бар күшін салады деген нық сенімдемін.
Гүлжанат Әйтімова,
Арал аудандық мәдениет орталығының әдіскері
