"Алланың өз жоспары бар": Бүркіт бала күнгі арманы туралы айтты
Өнер иесі желідегі парақшасында бала күнінде қандай мамандық иесі болуды армандағаны туралы жазды. Әкесінің сұрағына үнемі сот боламын деп жауап берген Айбек Жансейіт осылайша бала күнінен әділдікті, төрелік етуді жақсы көргенін байқатқан. Алайда, өнер иесінің бала күнгі арманы сағымға айналыпты."Бала кезімде әкем сұраушы еді. "Әй, балам, өскенде кім боласың?" дейтін. Мен ойланбастан "Сот боламын" деуші едім. Арманым сот, не әскери адам болу еді. Алланың өз жоспары бар екен!" - деп жазды Бүркіт.Өнер иесінің жазбасын көрген желідегі жұрт та пікір білдіруден қалыс қалмады. Алайда, өнер иесінің жазбасы ерекше әсер еткен қолданушылардың бірі өзінің оқиғасымен бөлісіп, бұйырып тұрған мамандықта жұмыс істейді екенсің деп жазды.
"Кейбіреулеріне періште әумин деп, сол айтқан мамандықтарын таңдайды. Мен де бала күнімде әкем сияқты теміржолшы боламын деп айтқам. Қазір сол теміржолшымын. Аллаға шүкіршілік етемін. Өмірім ешкімнен кем емес. Бірақ кейде жұмысым қиындап кеткен кезде неге айттым екен деп ойлап қаламын", - дейді желі қолданушысы.
