Instagram мен Facebook желілерінде ақау шықты
Facebook пен Instagram әлеуметтік желілері ақауларды ретке келтіру бойынша жұмыстар жүргізіп жатыр. Бұл туралы әлеуметтік желілердің Twitter парақшасында айтылады, "Кейбір қолданушылар суреттер мен видеоларды және тағы басқа файлдарды жүктей алмағанын білеміз. Ақаулар үшін кешірім сұраймыз, желілерді тез арада қалыпты режимге қайтарамыз", - делінген екі желінің Twitter-дегі парақшаларында. Айта кетейік, Facebook пен Instagram желілеріндегі ақауларға бірнеше елдің қолданушылары шағымданған болатын. Олардың ішінде Ұлыбритания, Германия, АҚШ, Қазақстан, Ресей және тағы басқа елдер бар.
