Толқын Tolqyn.kz ақпараттық агенттігі
» » "Мейрамханада ән шырқадым": Кенжебек Жанәбілов Бесбаевтың қоластында жұмыс істегенін айтты

"Мейрамханада ән шырқадым": Кенжебек Жанәбілов Бесбаевтың қоластында жұмыс істегенін айтты

"Мұзарт" тобының мүшесі Кежебек Жанәбілов Алматыға алғаш келген жылдарын есіне алды. Ата-анасынан ерте айырылып, ағасының қолына көшіп келген өнер иесі бастапқыда Мейрамбек Бесбаевтың мейрамханасында ән шырқап, нәпақасын тапқан көрінеді."Мен Алматыға келген соң, мейрамханаларда ән шырқадым. Мейрамбек ағамыздың да ашқан мейрамханасы болды. Сол жерге мен де бардым. Менің Алматыға келуіме себепкер болған Бақтыбай деген туған ағам болатын. Ол кісіні Мейрамбек ағалар да таниды. Мейрамбек ағаның мейрамханасына келіп ән айтып жатқан кезде, ағам мені тапсырды", - дейді Кенжебек Жанәбілов.
Ағасы інісін достарына тапсырып, осылайша Кенжебек Жанәбілов "Мұзарт" тобының мүшесі атанған. Кенжебек Жанәбілов Сәкен Майғазиев пен Мейрамбек Бесбаевтың алдында мейрамханада ән айтып жүрген кезде "Мұзарттың" мүшесі боламын деп ойламағанын жеткізді.
"Ағам "Мен інімді алып келдім. Өнер десе, ішкен асын жерге қояды. Мектепте өнер деп оқымай кетті" деп жан дүниесіндегіні айтып, тапсырып жатты. Содан әр мерекеде достарымен бас қосып, маған ән айтқызып, менің әніме билейді. Солай ән айтып жүріп, "Мұзарттың" мүшесі болып кеттік", - дейді Кенжебек Жанәбілов.
https://stan.kz
15 шілде 2019 ж. 2 452 0