"Бауырының аяғын ыстықтан қорғап жатыр": Қарақат пен Қыдырәлінің ұлы жұртты сүйсіндірді
Қыдырәлі Болманов қос ұлының бейнежазбасын желідегі парақшасында бөліскен. Видеода бір-бірін арқалаған бауырларды көруге болады. Інісінің аяғы ыстыққа күйіп қалмасын деп ағасы оны арқалап алған. Бір-біріне бауырмалдық танытқан ұлдарын көрген өнер иесі таңқалысын жасыра алмады."Біз айтпай-ақ, бір-біріне қамқор болып жүрген балалар жүрегіңді жылытатыны рас. Алла бере салғандарыңның мейірімді болуы, біріне-бірі қол ұшын созуы, бір-біріне қарап жүруі әдеттеріне айналып, саналарына сіңіп кетуі қажет", - деп жазды Қыдырәлі Болманов.Ал жұлдызды ана бұл көріністі түсіндіріп берген. Жүрегі елжіреп кеткен Қарақат Әбілдина ұлдарымен мақтанды.
"Бауырының аяғын ыстықтан қорғап жатыр екен. Құдай, жүректерім. Бауыр деген осындай болады", - дейді Қарақат Әбілдина.
Мұны көрген желідегілер отбасындағы тәрбие туралы айтып, Қыдырәлі мен Қарақаттың шаңырағына шаттық тілескен. Олар жұлдызды жұптың балаларына сүйсінді.
"Балаларыңыздың мейірбан болуы сіздерден алған тәрбиесіне байланысты", "Сіздерге қарап бой түзейді", "Ағасы бардың жағасы бар, інісі бардың тынысы бар", "Неткен ғажап", "Қандай үлгілі отбасысыздар", - деп пікір қалдырды желідегілер.
